«Ուրարտուն» խոշոր հաշվով հաղթեց «Գանձասարին» և դուրս եկավ Հայաստանի գավաթի եզրափակիչ

Հայաստանի գավաթի խաղարկության կիսաեզրափակիչ փուլում առաջատար «Ուրարտուն» մրցեց Առաջին լիգան ներկայացնող «Գանձասարի» հետ և հաղթեց խոշոր ` 4-0 հաշվով։

Հատկանշական է, որ առաջին խաղակեսում թիմերը չէին կարողացել բացել հաշիվը։

Հանդիպման 2-րդ կեսում` 67-րդ րոպեին «Ուրարտուին» հաշվի մեջ առաջ մղեց թիմի ավագ Ժիրայր Մարգարյանը։
Րոպեներ անց Թեմուր Ջիկիան նույն Մարգարյանի փոխանցումից հետո կրկնապատկեց առաջատարի առավելությունը։

88-րդ րոպեին «Գանձասարի» դարպասին 11-մետրանոց հարված նշանակվեց, որն անվրեպ իրացրեց փոխարինման դուրս եկած Արաս Օզբիլիսը։
Վերջինս հիմնական ժամանակին ավելացված 1-ին րոպեին 4-րդ գնդակն ուղարկեց մրցակցի դարպասն` այդպիսով դառնալով դուբլի հեղինակ։

Մեկ րոպե անց «Գանձասարի» կազմից խաղադաշտից հեռացվեց Սուրեն Առաքելյանը։

Այսպիսով, «Ուրարտուն տանելով խոշոր հաշվով հաղթանակ դուրս եկավ Հայաստանի գավաթի եզրափակիչ, որտեղ կմրցի «Շիրակի» հետ։