Կանանց Հայաստանի հավաքականը ջախջախիչ պարտություն կրեց Կիպրոսի հետ ընկերական խաղում

Այսօր` ապրիլի 6-ին, ֆուտբոլի Հայաստանի կանանց ազգային հավաքականն ընկերական հանդիպում անցկացրեց Կիպրոսի ընտրանու հետ։

Մեր ֆուտբոլիստուհիները պարտվել են խոշոր՝ 0։6 հաշվով։ Ընդ որում մեր ընտրանին 5 գոլերն ընդունել է խաղի առաջին կեսում։

Հայաստանի և Կիպրոսի կանանց հավաքականները ևս մեկ ընկերական հանդիպում կանցկացնեն ապրիլի 9-ին։