Վարդան Մինասյանը վերադարձավ «Արարատ-Արմենիա»

Վարդան Մինասյանն իր մարզչական շտաբով վերադարձել է «Արարատ-Արմենիա»։ Այս մասին հայտնում է ակումբի մամուլի ծառայությունը։

Մինասյանի մարզչական շտաբում ընդգրկված են առաջին օգնական Արտակ Օսեյանը, մարզչի օգնական Արթուր Մկրտչյանը, դարպասապահների մարզիչ Գուրգեն Հակոբյանը և ֆիզիոթերապևտ Դենիս Զմեուն:

Հիշեցնենք, որ մասնագետն այս թիմում աշխատել է նաև 2018-2020 թվականներին։ Նրա գլխավորությամբ «Արարատ-Արմենիան» 2 տարի անընդմեջ (2018/19թթ., 2019/20թթ.) դարձել է Հայաստանի չեմպիոն ու մեկ անգամ նվաճել Սուպերգավաթը։

Վարդան Մինասյանի վերջին աշխատավայրը վրացական «Թելավին» էր։