Պետրոս Ավետիսյանը` «Խիմկիի» ֆուտբոլիստ

Հայ կիսապաշտպան Պետրոս Ավետիսյանն ազատ գործակալի կարգավիճակով տեղափոխվել է «Խիմկի», հաղորդում է ռուսական ակումբի մամուլի ծառայությունը:

Կողմերի միջև կնքված պայմանագրի ժամկետն ուժի մեջ կլինի մինչև 2025 թվականի հունիսի 30-ը ներառյալ:

2023 թվականի մարտից Ավետիսյանը խաղում էր ղազախական «Մակտարալում», որտեղ 2022 թվականի օգոստոսին տեղափոխվել էր «Ակժայիկից»:

Հիշեցնենք, որ Պետրոս Ավետիսյանը Հայաստանի փոխչեմպիոն «Փյունիկում» խաղացել է «Խիմկիի» գլխավոր մարզիչ Անդրեյ Տալալաևի գլխավորությամբ:

Ռուսաստանի առաջնության 2022/23թթ. մրցաշրջանում «Խիմկին» զբաղեցրել էր նախավերջին՝ 15-րդ տեղն ու 2023/24թթ մրցաշրջանում կխաղա Առաջին դիվիզիոնում: