ՀՊԼ. «Վանը» ջախջախեց «Լեռնային Արցախին»

Հայաստանի պրեմիեր լիգայի 28-րդ տուրում «Վանը» սեփական հարկի տակ ընդունեց «Լեռնային Արցախին» ու հաղթեց խոշոր` 4:0 հաշվով։

Չարենցավանյան թիմի կազմում հեթ-տրիկի հեղինակ է դարձել Դանիլ Անկուդինովը։ Մեկ գոլով էլ աչքի է ընկել Սանին Բուհարին։

Այս խաղով «Վանը» կարևոր հաղթանակ տոնեց ու վաստակած 34 միավորով պահպանեց իր տեղը 5-րդ հորիզոնականում։

«Լեռնային Արցախ» շարունակում է պարտությունների շարքը։ Թիմը 21 միավորով 8-րդն է։