«Ամեն ինչ կանենք, որ հնարավորին չափ առաջ գնանք». Օզբիլիսը ՉԼ-ի որակավորման մասին

Ինչպես գիտեք, արդեն հայտնի են մեր թիմերի մրցակիցների անունները Չեմպիոնների և Կոնֆերենցիաների լիգաների խաղարկություններում։

Չեմպիոնների լիգայի խաղարկության որակավորման 1-ին փուլում Հայաստանի չեմպիոն «Ուրարտուին» բաժին է հասել բոսնիական «Զրինսկին»:

Մինչ վիճակահանությունը, մենք ՉԼ առաջիկա մրցաշարի մասին զրուցել ենք «Ուրարտուի» առաջատար Արաս Օզբիլիսի հետ։

Արաս Օզբիլիսի կարծիքով իրենք միանգամայն արժանի էին չեմպիոնությանը, իսկ ՉԼ խաղարկությունում փորձելու են որքան հնարավոր է շատ հաղթել։

«Շատ ուրախ եմ, որ չեմպիոն ենք դարձել։ Մենք մրցաշրջանի գրեթե մեկնարկից մինչև վերջ գլխավորում էինք մրցաշարային աղյուսակը և վերջում էլ նվաճեցինք երկու գավաթները։ Դա պարզապես չի տրվում։

Ինչ վերաբերվում է Չեմպիոնների լիգային, ամեն ինչ անելու ենք, որ շատ առաջ գնանք ու հնարավորին չափ շատ հաղթենք։ Դա նաև լավ կլինի հայկական ֆուտբոլի համար»,- ասել է Օզբիլիսը։

Նշենք, որ թիմերի միջև առաջին հանդիպումը կկայանա հուլիսի 11-ին, Երևանում ու կմեկնարկի 19:00-ին։