«Ալաշկերտը» վրացի նորեկ ունի

«Ալաշկերտի» կազմը համալրել է վրացի հարձակվող Լևան Կուտալիան, հայտնում է ակումբի մամուլի ծառայությունը։

Փորձառու հարձակվողը Վրաստանի եռակի չեմպիոն է, 2019-ին Թբիլիսիի «Դինամոյի» կազմում 20 գոլով ճանաչվել է Վրաստանի առաջնության լավագույն ռմբարկու։

Վրաստանի երիտասարդական հավաքականը ժամանակին ներկայացրած Կուտալիան արտերկրում հանդես գալու հարուստ փորձ ունի, հանդես է եկել Բոսնիայի «Զրինսկիում» և «Սլավիայում», ինչպես նաև Ղազախստանի «Իրտիշում»։

2020/2021թթ. մրցաշրջանից վրացի ռմբարկուն հանդես էր գալիս Իսրայելում, որտեղ պաշտպանել է Թել Ավիվ և Ում ալ Ֆահմ քաղաքների «Հապոել» թիմերի գույները։

Կվիտալիայի նախորդ ակումբը Իսրայելի առաջնության Բարձրագույն խումբը ներկայացնող «Սեկցիա Նես Ցիոն»-ն էր, որի կազմում նա 5 գոլ է հեղինակել LIGAT HA’AL-ի 24 հանդիպումներում, ևս 2 գոլ էլ խփել է գավաթային հանդիպումներում։

Ընդհանուր առմամբ, «Ալաշկերտի» նորեկն իր ակտիվում ավելի քան 100 գոլ ունի պրոֆեսիոնալ կարիերայում։