Հենրիխ Մխիթարյանն ու Գևորգ Ղազարյանն այս անգամ կմիանա ՀՀազգային հավաքականին

Հայաստանի ազգային հավաքականի գլխավոր մարզիչ Խոակին Կապառոսը ընտրանու առաջիկա 3 հանդիպումներին նախապատրաստվելու համար հրավիրել է 30 ֆուտբոլիստի:Նրանց թվում են Հենրիխ Մխիթարյանն ու Գևորգ Ղազարյանն, ովքեր ըստ ՀՖՖ լրատվական այս անգամ կմիանա հավաքականին: Սարգիս Ադամյանն այս անգամ ևս չի հրավիրվել ազգային հավաքական, քանի որ դեռևս գտնվում է վերականգնման փուլում, իսկ Նորբերտո Բրիասկո Բալեկյանը Հայաստանի ազգային հավաքականի նախորդ հանդիպումներից հետո, վերադառնալով Արգենտինա, երկու շաբաթ գտնվել է կարանտինի մեջ և երկար ժամանակ չի մարզվել:
Ավելացնենք, որ Ալբանիայի հավաքականի նախախաղային մարզումը, ինչպես նաև հավաքականի գլխավոր մարզչի և ֆուտբոլիստներից մեկի նախախաղային մամուլի ասուլիսը կկայանա Ալբանիայում, որից հետո՝ հոկտեմբերի 6-ի երեկոյան, ալբանացիները կժամանեն Երևան: Խոակին Կապառոսի և ֆուտբոլիստներից մեկի նախախաղային մամուլի ասուլիսը կանցկացվի հեռավար կարգով և կկայանա հոկտեմբերի 6-ին՝ ժամը 16:15-ին: Հարցերի ընդունման կարգի վերաբերյալ կլինի լրացուցիչ տեղեկատվություն: Հայաստանի ազգային հավաքականի նախախաղային մարզումը կկայանա հոկտեմբերի 6-ին՝ ժամը 17:00-ին՝ Վազգեն Սարգսյանի անվան «Հանրապետական» մարզադաշտում: