Վահան Բիչախչյանը կրկին լավագույնն է «Պոգոնում»

Հայաստանի հավաքականի հարձակվող Վահան Բիչախչյանը ճանաչվել է «Պոգոնի» սեպտեմբերի լավագույն ֆուտբոլիստ։

24-ամյա ֆուտբոլիստը հավաքել է ձայների 59,9 %-ը, ստացել է հուշանվեր և շքեղ մեքենա, որը նրա տրամադրության տակ կլինի մեկ շաբաթ։

Սեպտեմբերին կայացած բոլոր խաղերում հայ ֆուտբոլիստն ընդգրկված է եղել «Պոգոնի» մեկնարկային կազմում։

Ընթացիկ մրցաշրջանում Բիչախչյանը 13 խաղում դարձել է երեք գոլի ու երկու ասիստի հեղինակ։