Սևիկյանը ճանաչվել է «Ֆերենցվարոշի»՝ ապրիլի լավագույն ֆուտբոլիստ

Հայաստանի ազգային հավաքականի հարձակվող Էդգար Սևիկյանը հաղթել է երկրպագուների քվեարկության արդյունքով և առաջին անգամ ճանաչվել «Ֆերենցվարոշի»՝ ամսվա լավագույն ֆուտբոլիստ:

Ապրիլին Սևիկյանը մասնակցել է 7 խաղի ու դարձել 2 գոլի հեղինակ: Գոլերից մեկը, որը հաղթական է եղել, նա խփել է Հունգարիայի Գավաթի կիսաեզրափակչում:

Նշենք, որ մայիսի 5-ին «Ֆերենցվարոշը» 5:1 հաշվով ջախջախեց «Դեբրեցենին», Սևիկյանը փոխարինման մտավ 74-րդ րոպեին: