Մխիթարյանի վնասվածքի մասին տեղեկություն կա

Ինչպես տեղեկացրել էինք ավելի վաղ, Չեմպիոնների լիգայի կիսաեզրափակչի՝ «Միլանի» դեմ պատասխան խաղում (2:0) Հենրիխ Մխիթարյանը վնասվածք էր ստացել և առաջին կեսից հետո փոխարինվել։

Այսօր՝ մայիսի 18-ին, Հենրիխը բուժզննում է անցել, հայտնում է իտալական ակումբի պաշտոնական կայքը։

Ֆուտբոլիստի մոտ ախտորոշվել է ձախ ազդրի դիմացի ուղիղ մկանի ձգում (մկանային լարվածություն)։Նա հավանաբար ևս մեկ բուժզննում կանցնի։

Ըստ նախնական եզրակացության, կարելի է մտածել, որ հայ կիսապաշտպանը կհասցնի ապաքինվել մինչև Չեմպիոնների լիգայի եզրափակիչ ու կմասնակցի հունիսի 10-ին Ստամբուլում կայանալիք գլխավոր խաղին։

Ավելի վաղ հայտնի էր դարձել, որ Մխիթարյանը բաց է թողնելու մայիսի 21-ին կայանալիք «Նապոլիի» դեմ հանդիպումը։