Միքայել Միրզոյանը ճանաչվել է ՀՊԼ-ի մայիս/հունիս ամիսների լավագույն խաղացող

Երևանի ԲԿՄԱ-ի արդեն նախկին ֆուտբոլիստ Միքայել Միրզոյանը ճանաչվել է Fastex Հայաստանի պրեմիեր լիգայի մայիս/հունիս ամիսների լավագույն խաղացող։

Թեժ պայքար է ընթացել Միրզոյանի ու «Ուրարտուի» ֆուտբոլիստ Արաս Օզբիլիսի միջև։ Վճռորոշ են եղել երկրպագուների ձայները։

Միքայելն այս ընթացքում մասնակցել է 6 խաղի, խփել մեկ գոլ ու գոլային 2 փոխանցում կատարել։

Նշենք, որ Միքայել Միրզոյանը վերադարձել է «Ուրարտու» և Հայաստանի պրեմիեր լիգայի հաջորդ առաջնությունում կպաշտպանի հարազատ թիմի գույները։