Մեկնարկել է Հայաստան - Ֆարերյան Կղզիներ խաղի տոմսերի վաճառքը

Նոյեմբերի 14-ին, Վազգեն Սարգսյանի անվան «Հանրապետական» մարզադաշտում տեղի կունենա Ազգերի լիգայի խմբային փուլի վերջին տնային հանդիպումը, որում Հայաստանի հավաքականը կհյուրընկալի Ֆարերյան կղզիների ընտրանուն:

Ինչպես հայտնում է ՀՖՖ մամուլի ծառայությունը՝ արդեն մեկնարկել է խաղի տոմսերի առցանց վաճառքը https://tickets.ffa.am հարթակում:

Տոմսերը հնարավոր է գնել միայն անձնագրային նույնականացում անցնելուց հետո։

Մեկ անձը կարող է գնել ոչ ավելի, քան 4 տոմս։

Նույնականացման համար անհրաժեշտ տվյալները մուտքագրելուց հետո անհրաժեշտ է սպասել նույնականացման հաստատմանը, որը կատարվում է յուրաքանչյուր օր՝ 10։00-20։00՝ 10-15 րոպեի ընթացքում:

Տոմսերի արժեքներն են՝

Հյուսիսային և Հարավային տրիբունաներ՝ 1000-3000 դրամ

Արևելյան տրիբունա՝ 5000-8000 դրամ

Արևմտյան տրիբունա՝ 10000 դրամ