«Կրասնոդարը» Ռուսաստանի գավաթի կիսաեզրափակչում է. Սպերցյանը հերթական գոլային փոխանցումն է կատարել

Ռուսաստանի գավաթի խաղարկության 1/4 եզրափակչում «Կրասնոդարը» 3:0 հաշվով հաղթել է «Ախմատին» և դուրս եկել կիսաեզրափակիչ։

Հայաստանի ազգային հավաքականի կիսապաշտպան Էդուարդ Սպերցյանը «Կրասնոդարի» մեկնարկային կազմում էր և վնասվածքի պատճառով փոխարինվել է 65-րդ րոպեին։

Հայ ֆուտբոլիստը նաև դարձել է գոլային փոխանցման հեղինակ։

ՀՖՖ մամուլի ծառայության փոխանցմամբ, Սպերցյանի վնասվածքը լուրջ չէ և կիսապաշտպանը կկարողանա մասնակցել Թուրքիայի հավաքականի դեմ առաջիկա հանդիպմանը։