«Ինտերը» ծննդյան օրը նշանավորեց հաղթանակով

Իտալիայի առաջնության 28-րդ տուրում «Ինտերն» արտագնա խաղում նվազագույն հաշվով հաղթեց «Բոլոնիային։ Հաղթական գոլը խփեց Յան Բիսեկը։

Հենրիխ Մխիթարյանը միլանյան ակումբի մեկնարկային կազմում էր և փոխարինվեց 61-րդ րոպեին։

«Ինտերն» այժմ 75 միավորով է վստահ գլխավորում մրցաշարային աղյուսակը։

Այս հաղթանակով «Ինտերը» հրաշալի նվեր մատուցեց ինքն իրեն ծննդյան 116-րդ տարեդարձի կապակցությամբ։

Միլանյան գրանդը հիմնադրվել է 1908 թվականի մարտի 9-ին։ Մեկ դարից ավելի է ինչ իր բարձր դիրքն ունի եվրոպական ֆուտբոլում։ Իտալական թիմի հետ են կապվում տասնյակ լեգենդար անուններ ու բարձր տիտղոսներ։

Եվ այս հանրահայտ թիմի մի մասն էլ շարունակում է կազմել մեր Հենոն։