«Ինտերը» հյուրընկալվելիս հաղթեց, Մխիթարյանը մասնակցեց խաղին

Իտալիայի Ա Սերիայի 6-րդ տուրում «Ինտերը» հյուրընկալվելիս մրցեց «Ուդինեզեի» հետ: Խաղն ավարտվեց 3:2 հաշվով՝ հօգուտ «ներաձուրիների»:

«Ինտերի» կազմում դուբլ ձևակերպեց Լաուտարո Մարտինեսը, մեկ անգամ աչքի ընկավ Դավիդե Ֆրատեզին:

Միլանյան թիմի կազմում ամբողջական հանդիպում անցկացրեց Հենրիխ Մխիթարյանը:

Այս հաղթանակի շնորհիվ «Ինտերը» 11 միավոր վաստակեց ու հավասարվեց առաջատարներ «Միլանին» ու «Տորինոյին»: