ՀՊԼ. «Փյունիկը» խաղավերջում կամային հաղթանակ տարավ «Վանի» նկատմամբ

Fastex Հայաստանի պրեմիեր լիգայի 22-րդ տուրում «Վանը» սեփական հարկի տակ ընդունեց «Փյունիկին»:

Խաղն ավարտվեց չեմպիոնի հաղթանակով ` 3:1 հաշվով։

Առաջին խաղակեսում թիմերը չկարողացան գրավել միմյանց դարպասներն ու ընդմիջման գնացին ցուցատախտակին թողնելով զրոներ։

Չարենցավանցիներին 49-րդ րոպեին առաջ մղեց Ջոսուե Գաբան։ Հարկ է նշել, որ 59-րդ րոպեից սկսած «Վանը» մնացել էլ 10 հոգով, քանի որ ստանալով 2-րդ զգուշացումը, խաղադաշտը կարմիր քարտով լքել էր պաշտպան Արթուր Քարտաշյանը։

Չեմպիոնի հաշիվը հավասարեցնելու ջանքերը վերջապես իրենց օգուտը տվեցին. խաղի վերջնամասում ` 81-րդ րոպեին Լուկա Յուրիչիչը դարձավ գոլի հեղինակ և հավասարեցրեց հաշիվը։ Ընդամենը 2 րոպե անց Յուսուֆ Օտուբանջոն կարողացավ կրկնապատկել «Փյունիկի» առավելությունը։ Արդեն ավելացված 3-րդ րոպեին Յուրիչիչը հերթական գոլն ուղարկեց «Վանի» դարապսն ու դարձավ դուբլի հեղինակ։

Այսպիսով չեմպիոնը կամային վստահ հաղթանակ տարավ մարզային թիմի նկատմամբ։

Այս խաղից հետո «Փյունիկը» 43 միավորով շարունակում է մնալ 3-րդ տեղում։

«Վանը» 27 միավորով 5-րդն է։