ՀՊԼ. «Փյունիկը» հաղթեց «Շիրակին», «Արարատ-Արմենիան» ուժեղ էր «Ալաշկերտից»

Հայաստանի IDbank պրեմիեր լիգայի 9-րդ տուրում «Փյունիկը» նվազագույն հաշվով հաղթեց «Շիրակին»։
Միակ գոլը խփեց Խոսե Կարաբալյոն։

«Շիրակը» նույնպես գոլ գրանցեց, սակայն այն չեղարկվեց VAR-ի օգնությամբ։

Խաղավերջում 2-րդ զգուշացումից հետո խաղադաշտից հեռացվեց փոխչեմպիոնի ֆուտբոլիստ Սերգեյ Վակուլենկոն։

«Արարատ-Արմենիան» սեփական հարկի տակ 3:1 հաշվով առավելության հասավ «Ալաշկերտի» նկատմամբ։

Բրոնզե մեդալակրին նախ հաշվի մեջ առաջ մղեցին Նիկոլայ Կիպիանին ու Մոհամեդ Յատտարան։

Ապա 2-րդ խաղակեսի սկզբնամասում խաղադաշտից հեռացվեց հյուրերից Արտակ Եդիգարյանը։

Տանտերերի 3-րդ գոլը 11-մետրանոցից խփեց Տենտոն Եննեն, իսկ «Ալաշկերտից» հաշվի տարբերությունը նվազեցրեց Կարեն Նալբանդյանը։