ՀՊԼ. «Նոան» տոնեց հերթական հաղթանակը

Հայաստանի IDbank պրեմիեր լիգայի 4-րդ տուրում «Նոան» Աբովյանում ընդունեց «Շիրակին» ու հաղթեց 4:0 հաշվով։

Տանտերերի նախ հաշվի մեջ առաջ մղեց Արթուր Միրանյանը, որն այս մրցաշրջանում իր թիմի հաղթական 3 խաղերում էլ դարձել է գոլի հեղինակ։

Այնուհետև «Նոայի» առավելությունը կրկնապատկեց Ալեքսանդր Լյովեն։ Երրորդ գնդակը «Շիրակի» դարպասն ուղարկեց Իլիաս Ալհաֆթն, իսկ 4-րդը` Էդգար Մովսեսյանը։

Հարկ է նշել, որ տանտերերը կարող էին ավելի խոշոր հաշվով հաղթել, սակայն որոշ դեպքերում ֆուտբոլիստները վրիպեցին, մեկ անգամ էլ գոլից հետո խաղից դուրս վիճակ արձանագրվեց։

Խաղավերջում` 4-րդ գոլից առաջ «Նոան» նաև մնաց 10 ֆուտբոլիստով. կարմիր քարտով խաղադաշտից հեռացվեց Ալեքսանդր Միլկովիչը։