ՀՊԼ. «Նոան» հաղթեց «Արարատին» ու կրկին «փախչեց» վերջին հորիզոնականից

Fastex Հայաստանի պրեմիեր լիգայի 24-րդ տուրի եզրափակիչ խաղում «Նոան» սեփական հարկի տակ ընդունեց «Արարատին» և հաղթեց 2:1 հաշվով։

Առաջին խաղակեսում թիմերը չկարողացան գրավել միմյանց դարպասներն ու ընդմիջման գնացին առանց հաշիվը բացելու։

72-րդ րոպեին դառնալով գոլի հեղինակ, հաշվի մեջ տանտերերին առաջ մղեց Ալեքսանդր Լովեն։ Րոպեներ անց (77′) արարատցիները կարողացան հավասարեցնել հաշիվը. գոլի հեղինակ դարձավ Դուշան Միջիչը։

Թվում էր թե խաղը կավարտվի ոչ-ոքիով, սակայն հիմնական ժամանակին ավելացված 5-րդ րոպեին Ռուբեն Եսայանը 2-րդ գնդակն ուղարկեց «Արարատի» դարպասն ու ապահովեց իր թիմի այդքան սպասված հաղթանակը։

Այս խաղից հետո «Արարատը» 22 միավորով 7-րդ տեղում է։

«Նոան» վաստակեց 18 միավոր, կրկին շրջանցեց ԲԿՄԱ-ին ու բարձրացավ 9-րդ տեղ։