Armenian Soccer
Armenian Soccer

Հենրիխ Մխիթարյանին հանձնվեց Armenian Soccer Awards-2020-ի մրցանակը

heno

Henrikh Mhitaryan

Գրեթե մեկ ամբողջ տարի առաջ՝ 2020թ-ի սեպտեմբերի 15-ին կայացավ Armenian Soccer Awards-2020 մրցանակաբաշխությունը, որի մրցանակակիրներից մեկը Հայաստանի ազգային հավաքականի ավագ Հենրիխ Մխիթարյանն էր:

«Ռոմայի» ֆուտբոլիստը Armenian Soccer-ում անցկացված քվեարկության արդյունքում երկրպագուների կողմից ճանաչվեց 2019/20 մրցաշրջանի լավագույն հայ ֆուտբոլիստ:

Ցավոք, Հենրիխն այդ օրերին Երևանում չէր: Մենք հույս ունեինք՝ հավաքականի հաջորդ հանդիպումներին Հայաստան վերադարձած Մխիթարյանին փոխանցել մրցանակը, սակայն ինչ-ինչ պատճառներով այդ վերադարձը ձգձգվեց:

Այսօր, Լիխտենշտեյնի հավաքականի հետ նախախաղային մարզմանը, Armenian Soccer-ի գլխավոր խմբագիր Էդգար Պետրոսյանը հանդիպեց Մխիթարյանին ու նրան հանձնեց մրցանակը:

Մխիթարյանն, ում համար այդ մրցանակն, ի դեպ արդեն 3-րդն էր, անչափ զգացված էր ու շնորհակալ՝ արժանացած պատվի ու երկրպագուների աջակցության համար:

Մեր կողմից հավելենք, որ կուզեինք այս մրցանակը ոգևորման իր չափաբաժինն ունենար հավաքականի՝ վաղը երեկոյան կայանալիք խաղին ընդառաջ:

©2021 Armenian Soccer