Գեղամ Ղադիմյանը կարիերան կշարունակի Հայաստանում

Գեղամ Ղադիմյանը կարիերան կշարունակի Հայաստանի պրեմիեր լիգայում։

Ֆուտբոլիստը համալրել է Չարենցավանը ներկայացնող «Վանի» կազմը։

Մինչ հայկական թիմին միանալը Գեղամը երկար տարիներ հանդես է եկել Ուկրաինայում՝ պաշտպանելով Կիևի «Արսենալի», «Զարյայի» ու «Օլիմպիկի» գույները, այնուհետև տեղափոխվել է Բելառուսի պրեմիեր լիգան ներկայացնող «Նեման»:

Հայաստանում Գեղամը 2019/20թթ. մրցաշրջանում հանդես է եկել «Ալաշկերտի» կազմում: Ղադիմյանը Հայաստանի ազգային հավաքականի կազմում անցկացրել է 13 խաղ և դարձել 2 գոլի հեղինակ։