«Գանձասարը» վաղաժամ նվաճեց Առաջին խմբի չեմպիոնությունը

Հայաստանի Առաջին խմբի առաջնության նախավերջին՝ 27-րդ տուրում «Գանձասարը» սեփական հարկի տակ նվազագույն հաշվով հաղթեց «Նոա-2»-ին:

Այս հաղթանակի շնորհիվ Կարեն Բարսեղյանի թիմն առաջնության ավարտից 1 տուր առաջ 70 միավորով ամրագրեց չեմպիոնությունը:

Չեմպիոնական խաղի միակ գոլը կապանցիների կազմում խփեց Դավիթ Մայիլյանը:

2024/25 մրցաշրջանում «Գանձասարը» կխաղա Պրեմիեր լիգայում: