ՉԼ. «Ինտերը» մեկնարկեց ոչ-ոքիով

Չեմպիոնների լիգայի խմբային փուլի 1-ին տուրում «Ինտերը» հյուրընկալվեց «Ռեալ Սոսիեդադին» ու հանդիպումն ավարտեց ոչ-ոքի` 1:1 հաշվով։

Նախ հաշվի մեջ առաջ էին անցել իսպանացիները, ապա խաղի վերջնամասում «Ներաձուրիներին» պարտությունից փրկեց Լաուտարո Մարտինեսի գոլը։

Հենրիխ Մխիթարյանն իտալական թիմի մեկնարկային կազմում էր, նա զգուշացվեց ու փոխարինվեց 69-րդ րոպեին։

Չեմպիոնների լիգայի հաջորդ հանդիպումն «Ինտերը» կանցկացնի հոկտեմբերի 3-ին, երբ տանը կընդունի «Բենֆիկային»: