ԲԿՄԱ-ն` Ռուսաստանի գավաթակիր. Սպերցյանի թիմին բաժին հասան արծաթները

Այսօր` հունիսի 11-ին կայացավ Ռուսաստանի գավաթի սուպերեզրափակիչը, որտեղ մրցում էին «Կրասնոդարն» ու Մոսկվայի ԲԿՄԱ-ն։

Խաղի հիմնական ժամանակն ավարտվեց ոչ-ոքի` 1:1 հաշվով։ Նախ բանակայիններից հաշիվը բացեց Չալովը, ապա Կորդոբան հավասարեցրեց այն։

11-մետրանոց հարվածաշարում 6:5 հաշվով հաղթեց ԲԿՄԱ-ն։

Ինչպես վերջին գավաթային խաղերում «Կրասնոդարից» կրկին առաջին հարվածը կատարեց Էդուարդ Սպերցյանը, որը դիպուկ էր։

Նշենք, որ Հայաստանի ազգային հավաքականի երկու անդամներ Էդուարդ Սպերցյանն ու Գեորգի Հարությունյանը «Կրասնոդարի» մեկնարկային կազմում էին։