Երևանի «Արարատի» կազմում իրենց ելույթներն ավարտում են ակումբի ֆուտբոլիստներ Այմեն Մահմուդը, Ռուդիկ Մկրտչյանը, Ռազմիկ Հակոբյանը, Ռանսոմ Իբեհը, Բերտրան Մանին և Ռամսես Դոնֆաքը: Այս մասին հայտնում է ակումբի մամուլի ծառայությունը:
Նշված ֆուտբոլիտների և ակումբի միջև պայմանագրերի ժամկետներն ավարտվել են:
Ռազմիկ Հակոբյանն «Արարատում» անցկացրել է հինգ տարուց ավելի: Այս ընթացքում 28-ամյա ֆուտբոլիստը «Արարատի» կազմում անցկացրել է Բարձրագույն խմբի 97 հանդիպում և դարձել է 12 գոլի հեղինակ:
25-ամյա հենակետային Ռուդիկ Մկրտչյանն «Արարատի» մարզապաշիկով Բարձրագույն խմբի 84 խաղ է անցկացրել՝ դառնալով հինգ գոլի հեղինակ:
20-ամյա նիգերիացի հարձակվող Ռանսոմ Իբեհն «Արարատի» կազմում Բարձրագույն խմբի 46 խաղ է անցկացրել և դարձել է 9 գոլի հեղինակ:
Թունիսցի պաշտպան Այմեն Մահմուդն «Արարատի» կազմում ընդհանուր առմամբ մասնակցել է Հայաստանի Պրեմիեր լիգայի 32 խաղի և դարձել է երկու գոլի հեղինակ:
Կամերունցի հարձակվող Բերտրան Մանին «Արարատի» կազմում 29 խաղ է մասնակցել և դարձել է երկու գոլի հեղինակ:
25-ամյա Ռամսես Դոնֆաքն «Արարատում» անցկացրել է Բարձրագույն խմբի 10 խաղ և դարձել 1 գոլի հեղինակ:
«Արարատ» ֆուտբոլային ակումբը շնորհակալություն է հայտնել ֆուտբոլիստներին կատարած պրոֆեսիոնալ աշխատանքի համար և մաղթել է հետագա հաջողություններ:
© Armenian Soccer 2024