Աղբյուր. Տիկնիզյանը կրկին մերժել է «Զենիթին»

Հայաստանի ազգային հավաքականի ու Մոսկվայի «Լոկոմոտիվի» պաշտպան Նաիր Տիկնիզյանը այս տրանսֆերային պատուհանի ընթացքում նույնպես չի տեղափոխվի «Զենիթ»:

Ինչպես հաղորդում է Metaratings.ru-ն՝ կողմերը համաձայնության չեն եկել պայմանագրի կետերի շուրջ, և հայ պաշտպանը 2-րդ անգամ մերժել է պետերբուրգյան ակումբին:

Հիշեցնենք, որ Տիկնիզյանը ձմեռային տրանսֆերային պատուհանի ընթացքում նույնպես հրաժարվել էր տեղափոխվել «Զենիթ»:

Պաշտպանը բուժզննում է անցել ու սկսել «Լոկոմոտիվի» կազմում նոր մրցաշրջանի նախապատրաստությունը: