![](https://armenian-soccer.com/wp-content/uploads/2024/04/bd314513605135451819549ace651ed1-92380-638o65o1638o1065z0d4e-1024x575.jpg)
Հայաստանի ազգային հավաքականի նախկին ավագ Հենրիխ Մխիթարյանը նախօրեին «Ինտերի» կազմում դարձավ Իտալիայի չեմպիոն: Խաղից հետո հայ ֆուտբոլիստը մեկնաբանել է հաղթանակն ու չեմպիոնությունը:
![](https://armenian-soccer.com/wp-content/uploads/2024/04/1135437.jpg)
«Անմոռանալի երեկո էր, մենք պատմություն կերտեցինք: Ֆանտաստիկ է Սկուդետոն դերբիում հաղթելով նվաճելը: Մենք հրաշալի վիճակում էինք և գիտեինք, որ կարող ենք գործն ավարտին հասցնել այս խաղում, ու ամեն բան արեցինք դրա համար: Հպարտ եմ, որ այս թիմի մի մասնիկն եմ»,- Մխիթարյանի խոսքերն է մեջբերել FCInter1908.it-ը։
Հիշեցնենք, որ «Ինտերը» պատմության մեջ 20-րդ անգամ դարձավ Իտալիայի չեմպիոն: Այս չեմպիոնությունն Ինձագիի մարզչական կարիերայում առաջինն էր, իսկ անձամբ Մխիթարյանը դարձավ 21-րդ դարի առաջին հայը, որ դառնում է եվրոպական թոփ-5 լիգայի չեմպիոն:
© Armenian Soccer 2024