Երևանի «Ուրարտու» ֆուտբոլային ակումբում տեղի են ունեցել փոփոխություններ։ Ինչպես հայտնում են երևանյան ակումբի լրատվսկան ծառայությունից, Արամ Հակոբյանն այլևս «Ուրարտու-2»-ի գլխավոր մարզիչը չէ։ Նրան այդ պաշտոնում փոխարինել է Ռոբերտ Արզումանյանը։
Հակոբյանը «Ուրարտու-2»-ի գլխավոր մարզչի պաշտոնը զբաղեցնում էր 2018 թվականի մայիսից։ Ակումբը շնորհակալություն է հայտնում Հակոբյանին կատարած աշխատանքի համար ու հաջողություն մաղթում։
«Ուրարտու-2»-ի գլխավոր մարզչի պաշտոնում նշանակված Ռոբերտ Արզումանյանը Հայաստանի ազգային հավաքականի ոչ վաղ անցյալի առաջատարներից էր։ Մարզչական գործունեություն սկսել է ծավալել 2019 թվականից Երևանի «Փյունիկում»։ Ընդգրկված է եղել գլխավոր թիմի մարզչական շտաբում։
«Ուրարտու» ֆուտբոլային ակումբը շնորհավորում է Ռոբերտ Արզումանյանին նոր պաշտոն ստանալու կապակցությամբ և մաղթում բեղմնավոր աշխատանք՝ նոր ու պատասխանատու աշխատանքում։
Արզումանյանի մարզչական շտաբում ընդգրկվել են նաև Վահե Հարությունյանը և դարպասապահների մարզիչ Ալբերտ Օհանյանը։
©2020 Armenian Soccer