Պաշտոնական. Հենրիխ Մխիթարյանը ` «Ինտերի» ֆուտբոլիստ

«Ինտերը» պայմանագիր է ստորագրել «Ռոմայի» հայ կիսապաշտպան Հենրիխ Մխիթարյանի հետ։ Այս մասին տեղեկացնում է ակումբի պաշտոնական կայքը։

Կողմերը պայմանագիրը կնքել են երկու տարով` մինչև 2024 թվականի հունիսի 30-ը։

Ըստ համաձայնագրի Մխիթարյանի տարեկան աշխատավարձը կազմելու է 3.5 մլն եվրո։

33-ամյա ֆուտբոլիստը «ներաձուրիների» կազմը համալրել է ազատ գործակալի կարգավիճակով։

Հիշեցնենք, որ Հենրիխ Մխիթարյանը «Ռոմայի» կազմում հանդես էր գալիս 2019 թվականի սեպտեմբերից։

«Գայլերի» կազմում կիսապաշտպանն անցկացրել է 117 հանդիպում, դարձել 29 գոլի և 28 գոլային փոխանցման հեղինակ։