ՉԼ. Գոլառատ խաղում «Ինտերը» ոչ-ոքի խաղաց «Բարսելոնայի» հետ. Մխիթարյանը մասնակցեց հանդիպմանը

Չեմպիոնների լիգայի խմբային փուլի 4-րդ տուրում «Ինտերը» հյուրընկալվեց «Բարսելոնային»:

Հանդիպումն ընթացավ բավականին լարված և ավարտվեց ոչ-ոքի ` 3:3 հաշվով։

Նախ առաջին խաղակեսում տանտերերին հաշվի մեջ առաջ մղեց Ուսման Դեմբելեն։

Ապա խաղի երկրորդ կեսում «ներաձուրիները» շատ արագ ոչ միայն հավասարեցրին, այլև առաջ անցան հաշվի մեջ. 50-րդ ու 63-րդ րոպեներին գոլի հեղինակներ դարձան համապատասխանաբար Նիկոլո Բարելան ու Լաուտարո Մարտինեսը։

Կապտանռնագույններից այս գոլերին պատասխանեց Ռոբերտ Լևանդովսկին և կրկին հաշիվը հավասարվեց։

Խաղավերջում հյուրերը Ռոբին Գոսենսի ջանքերով կրկին առաջ անցան հաշվի մեջ և թվում էր , թե «Ինտերն» արդեն հաղթել է այս խաղում։

Սակայն խաղի հիմնական ժամանակին ավելացված 2-րդ րոպեին Լևանդովսկին գլխի հարվածով 3-րդ գնդակն ուղարկեց մրցակցի դարպասն ու օգնեց իր թիմին խուսափել պարտությունից։

Նշենք, որ «Ինտերի» կազմում խաղին մեկնարկային րոպեներից մինչև եզրափակիչ սուլիչը մասնակցել է հայ կիսապաշտպան Հենրիխ Մխիթարյանը։

Խմբի մյուս խաղում «Բավարիան» 4:2 հաշվով հաղթել է «Վիկտորիա Պլզենին»: