«Ուրարտուն» ստուգողական վերջին խաղում հաղթեց «Սևանին»

Նախապատրաստական շրջանի վերջին ստուգողական խաղում «Ուրարտուն» սեփական հարկի տակ ընդունեց ՀՀ 1-ին խմբի ընթացիկ առաջնության առաջատար «Սևանին» ու հաղթեց 1:0 հաշվով։ Խաղն անցավ անզիջում պայքարում, և երկու կողմն էլ ունեցան մի քանի նպաստավոր պահեր:
Հանդիպման վերջնամասում «Ուրարտուի» ֆուտբոլիստները հաղթանակի նժարը կարողացան թեքել իրենց կողմը. 87-րդ րոպեին գեղեցիկ գոլով աչքի ընկավ Էդգար Գրիգորյանը:
Սա «Սևանի» նախամրցաշրջանային փուլում անցկացրել է արդեն 5 ընկերական հանդիպում ու բոլոր հինգն էլ ՀՀ պրիմեր լիգային առաջնության մասնակից թիմեր հետ`«Արարատ-Արմենիա» (1:3), «Շիրակ» (1:2), «Լոռի» (0:0), «Ալաշկերտ» 0:3, «Ուրարատու» (0:1):
Հավելենք, որ արդեն փետրվարի 21-ին «Ուրարտուն» պաշտոնական հանդիպում կանցկացնի։ VBET Հայաստանի պրեմիեր լիգայի 6-րդ տուրից հետաձգված «Արարատի» հետ հանդիպումը կկայանա Չարենցավանի «Քաղաքային» մարզադաշտում և կմեկնարկի ժամը 14:00-ին։