«Ուրարտուն» հաղթել է ստուգողական երրորդ խաղում

«Ուրարտուն» 3-րդ ստուգողական հանդիպումն է անցկացրել Սերբիայում ընթացող ուսումնամարզական հավաքի շրջանակում։

Երևանյան թիմը մրցել է Չեռնոգորիայի «Եդինստվո» թիմի հետ և հաղթել 2:1 հաշվով։

«Ուրարտուի» կազմում դուբլի հեղինակ է դարձել վերջերս թիմ վերադարձած Նարեկ Գրիգորյանը։

Հավելենք, որ մինչև այս անցկացրած երկու հանդիպումներում «Ուրարտուն» գրանցել էր ոչ-ոքի արդյունքներ։