Մխիթարյանը «Ռոմայի» հետ դարձավ Կոնֆերենցիաների լիգայի առաջին մրցաշրջանի չեմպիոն

Երեկ` մայիսի 25-ին կայացավ Կոնֆերենցիաների լիգայի եզրափակիչ «Ռոմա» — «Ֆեյենորդ» հանդիպումը։

Խաղն ավարտվեց 1:0 հաշվով` հռոմեացիների հաղթանակով։

«Գայլերի» հաղթանակն ապահովեց Նիկոլո Ձանիոլոյի խփած գոլը։

Հայաստանի հավաքականի նախկին ավագ Հենրիխ Մխիթարյանը «Ռոմայի» մեկնարկային կազմում էր, սակայն 17-րդ րոպեին վնասվածքի պատճառով փոխարինվեց։

Այսպիսով «Ռոման» Մոուրինյուի գլխավորությամբ դարձավ Կոնֆերենցիաների լիգայի առաջին մրցաշրջանի չեմպիոնը։