ՈՒԵՖԱ-ի Ազգերի լիգայի հերթական `2 -րդ խաղարկությունում նոյեմբերի 15-ին և 18-ին ՀՀազգային հավաքականը 5-րդ և 6 –րդ տուրերում վճռորոշ խաղերում մրցելու է Վրաստանի և Հյուսիսային Մակեդոնիայի ընտրանիների հետ: Այդ առումով հարկավոր է նայել, թե ինչ վիճակի են ու ինչպես են հանդես գալիս ՀՀ հավաքականի առաջատար խաղացողները իրենց թիմերի կազմերում:
Այսպես, ՀՀազգային հավաքականի ավագ, 31-ամյա կիսապաշտպան Հենրիխ Մխիթարյանն նոյեմբերի 1-ին «Ռոմայի կազմում մասնակցեց Իտալիայի Ա սերիայի 6-րդ տուրի «Ֆիորենտինայի» հետ Հռոմում կայացած խաղին: «Ռոման» հաղթեց 2:0 հաշվով ու հիմա վաստակած 11 միավորով 5-7-րդ տեղերի կիսում «Նապոլիի», ու «Ինտերի» հետ: Մխիթարյանը այս խաղում էլ մի քանի անգամ գոլ խփել իրական հնարավորություններ ունեցավ , բայց դրանք օգտագործել այս անգամ էլ չկարողացավ: Տեղին է նշել, որ ընթացիկ առաջնությունում Մխիթարայանը «Ռոմայի» կազմում չի բացել իր գոլերի հաշիվը, թեև մասնացել է 8 հանդիպման (որոնցից 2-ը Եվրոլիգայի խաղարկությունում) ու խաղադաշտում եղել է ընդհանուր առմամբ 598 րոպե: Բայց փոխարենը կատարել է արդեն մի քանի գոլային փոխանցում:Դրանցից հերթականը երեկ «Ֆիորենտինայի» դարպասին խփած 2 –րդգոլի պարագայում էր, երբ Հենրիխը 70 –րդ գոլային փոխանցում կատարեց իսպանացի հարձակվող Պեդրոյին:
Ցավոք, վնասվածքներ ունեն ու ՀՀ հավաքականի առաջիկա հանդիպումներին հավանաբար չեն կարողանան մասնակցել վնասվածքներ ստացած Արշակ Կորյանը, Ալեքսանդր Կարապետյանն ու Խորեն Բայրամյանը: Ինչ վերաբերում է կիսապաշտպան Գևորգ Ղազարյանի ,ապա նա իր թիմի` կիպրական ԱԵԼ-ի վերջին 2 հանդիպումներին չի մասնակցել:
©2020 Armenian Soccer