«Արարատ-Արմենիայի» և Դմիտրի Գունկոյի ու իր մարզչական շտաբի միջև կնքված պայմանագրի ժամկետը լրացել է և կողմերը որոշել են չշարունակել համագործակցությունը:
Այս մասին հայտնում է ակումբի մամուլի ծառայությունը։
«Շնորհակալություն ենք հայտնում պարոն Գունկոյին և իր մարզչական շտաբին` համատեղ աշխատանքի, գեղեցիկ ֆուտբոլի և բազմաթիվ լավ հիշողությունների համար»,- ասվում է ակումբի տարածած հաղորդագրության մեջ:
Դմիտրի Գունկոն թիմը գլխավորում էր 2021 թվականի հունիսից:
«Արարատ-Արմենիան» Գունկոյի գլխավորությամբ անցկացրել է 32 խաղ, տոնել 23 հաղթանակ, գրանցել 5 ոչ-ոքի և կրել 4 պարտություն:
©2022 Armenian Soccer