ԲԿՄԱ-ն միանում է քաղցկեղի դեմ պայքարին

ԲԿՄԱ-ի ֆուտբոլիստներն օրերս այցելել են քաղցկեղի դեմ պայքարող երեխաներին: Այս մասին տեղեկացնում է ակումբի մամուլի ծառայությունը:

«11-ամյա Տիգրանը քաղցկեղի դեմ պայքարող ուժեղ երեխաներից է և շատ է սիրում նկարել։

Մեր ֆուտբոլիստներ Արթուր Գրիգորյանը և Կարեն Մուրադյանը իրենց այցով և նվերներով ժպիտ պարգևեցին նրան։ Վստահ ենք՝ Տիգրանը դեռ շատ գեղեցիկ նկարների հեղինակ կդառնա։

Յուրաքանչյուրիս՝ անգամ ամենափոքր թվացող օգնությունը կարևոր է և որոշիչ։

Համագործակցությունը City of Smile Charitable Foundation / Սիթի օֆ Սմայլ բարեգործական հիմնադրամ -ի հետ մեզ համար սոցիալական պատասխանատվություն է, պարտք ու սեր՝ Հայրենիքի նկատմամբ։

Հիշեք՝ ՔԱՂՑԿԵՂԸ ՎԱՐԱԿԻՉ ՉԷ, ՍԵՐՆ Է ՎԱՐԱԿԻՉ»,-ասվում է ԲԿՄԱ-ի հաղորդագրությունում։