ԱՐՄԵՆԻԱ հեռուստաընկերությունը ուղիղ հեռարձակմամբ ցուցադրելու է ֆուտզալի ՌԴ - Հայաստան հանդիպումը

Հունվարի 29-ին Մոսկվայի մարզի Շչելկովո քաղաքի Պոդմոսկովյե մարզահամալիրում ֆուտզալի ԵՎՐՈ- 2022-ի խմբային մրցաշարի 2-րդ խմբի շրջանակում կայանալու է Ռուսաստան- Հայաստան հանդիպումը: ՌԴ ընտրանին ստուգատեսի ֆավորիտն է, 2016թ աշխարհի փոխչեմպիոնն է, 1999թ`Եվրոպայի չեմպիոնն է, 5-ակի փոխչեմպոինն է ու եռակի բրոնզե մեդալակիր: Ինչպես հայտնում են Արմենիա հեռուստաընկերության լրատվական ծառայությունից, ՌԴ — ՀԱՅԱՍՏԱՆ մեծ հետաքրքրություն առաջացրած այդ հանդիպումը ուղիղ հեռարձակմամբ հունվարի 29-ին ժամը 20-ին կցուցադրվի ԱՐՄԵՆԻԱ հեռուստաընկերության եթերում: Խմբային մրցաշարի հաջորդ հանդիպումը Ռուբեն Նազարեթյանըի գլխավորած ՀՀ ընտրանին կանցկացնի փետրվարի 3-ին, ժամը 17:00-ին, երբ Երևանում կհյուընկալի Ֆրանսիայի հավաքականին: