Երևանի «Փյունիկի» հետ գավաթային պատասխան հանդիպումից հետո (0:0) «Ուարարտի» դարպասապահ Անատոլի Այվազովը կիսվել է խաղի մասին տպավորություններով․
«Թիմի համար, իհարկե, շատ կարևոր է գավաթի հաջորդ փուլ անցնելը, բայց կասեմ, որ դժվար խաղ էր, մանավանդ երկրորդ խաղակեսը, տղաներն ինչ-որ չափով կատարեցին կարգադրման ժամանակ տրված առաջադրանքը, բոլորը աշխատեցին մինչև վերջին րոպեն, կասեմ, որ հաջողությունն այսօր մեր կողմն էր։
Իսկապես շատ լարված ստացվեց խաղի հատկապես վերջնամասը, սա ինձ համար վերջին ժամանակներում ամենադժվար խաղերից էր, չեմ էլ հիշում՝ վերջին անգամ երբ էի այսպես հոգնել խաղից հետո, բայց սա մեր աշխատանքն է, երբեմն հեշտ է լինում, երբեմն լինում են նման դժվար խաղեր, ստիպված ես գտնվել լարված իրավիճակում, և, ամենակարևոր է հոգեբանորեն տրամադրված լինել այդ իրավիճակին և վստահ գործել ստեղծված յուրաքանչյուր պահի ժամանակ»։
©2021 Armenian Soccer