Հունիսի 25-ին՝ Երևանում ՀՖՖ տեխնիկական կենտրոն/ֆուտբոլի ակադեմիայում, կայացավ կանանց ֆուտբոլի ՀՀ առաջնության Ա խմբի եզրափակիչ հանդիպումը Երևանի «Ալաշկերտ-աղջիկներ» և Գյումրիի «Շիրակ-Հոմենմեն» թիմերի միջև։ վճռորոշ մրցամարտում 4:0 հաշվով առավելության հասան Երևանի ֆուտբոլիստուհիներն, ովքեր էլ հռչակվեցին Ա խմբի չեմպիոն: Նրանց բաժին հասավ ոսկե, իսկ Գյումրիի մարզուհիներին՝ արծաթե մեդալները: Այս խաղում «Ալաշկերտ-աղջիկների» կազմում գոլերը հեղինակեցին Արմինե Խաչատրյանը, Անի Կարապետյանը, Անի Ղուկասյանը և Հեղինե Չոփիկյանը:
2020 Armenian Soccer