Հավաքականի կազմը կհայտարարվի ուղիղ եթերով

Օգոստոսի 25-ին՝ ժամը 12:00-ին՝ Վազգեն Սարգսյանի անվան «Հանրապետական» մարզադաշտում, կկայանա Հայաստանի ազգային հավաքականի գլխավոր մարզիչ Խոակին Կապառոսի հանդիպումը մարզական լրագրողների հետ:

Ինչպես տեղեկացնում է ՀՖՖ պաշտոնական կայքը՝ մամուլի ասուլիսի հենց սկզբում՝ առաջին անգամ պատմության մեջ, Հայաստանի ազգային հավաքականի գլխավոր մարզիչն ուղիղ եթերում կհայտարարի առաջիկա հանդիպումների համար հավաքական հրավիրված ֆուտբոլիստների անունները: Դրանից հետո լրագրողները հնարավորություն կստանան ինչպես կազմի վերաբերյալ, այնպես էլ այլ հարցեր ուղղելու գլխավոր մարզչին: