Երևանում ընկերական խաղ կանցկացվի՝ ի հիշատակ Լևոն Ղասաբօղլյանի

Դեկտեմբերի 9-ին՝ ժամը 13:30-ին, Երևանի «Ջունիոր Սպորտ» ստադիոնում տեղի կունենա ընկերական հանդիպում վաղամեռիկ ֆուտբոլիստ և մարզիչ Լևոն Ղասաբօղլյանի հիշտակին։ Այս մասին տեղեկացրել է armsport.am-ը:

Միմյանց դեմ կմրցեն ֆուտբոլի Հայաստանի և Ռուսաստանի վետերանների հավաքականները։ Հայաստանի կազմում կխաղան այնպիսի ֆուտբոլիստներ, ինչպիսիք են Արթուր Քոչարյանը, Վալերի Ալեքսանյանը, Արթուր Ոսկանյանը և այլք։

Հյուրերի կազմում հանդիպմանը կմասնակցեն Չեմպիոնների լիգայի գավաթակիր Դմիտրի Ալենիչևը, Ռուսաստանի հավաքականի անվանի հարձակվող Եգոր Տիտովը, լեգենդար մարզիչ Օլեգ Ռոմանցևը և այլ հայտնի աստղեր։

Ռուսաստանի հավաքականի գործողությունները կղեկավարի Ռուսաստանի վետերանների միության նախագահ Ալեքսանդր Միրզոյանը, իսկ մեր թիմի ղեկավարը կլինի անվանի ֆուտբոլիստ և մարզիչ Սամվել Ղասաբօղլյանը։

Մուտքն ազատ է։