VBET Հայաստանի Պրեմիեր լիգայի 35-րդ տուրում «Նոան» ընդունեց «Ուրարտուին» և հանդիպումն ավարտեց ոչ-ոքի` 1:1 հաշվով։
Տանտերերի կազմից հանդիպման հաշիվը բացեց Մաքսիմ Մայրովիչը, որը հստակ իրացրեց 11-մետրանոց հարվածը։
«Ուրարտուից» պատասխան գնդակը խփեց Դմիտրո Խլյոբասը։
Օրվա հաջորդ խաղում էլ «Ալաշկերտը» հյուրընկալվեց ԲԿՄԱ-ին և հաղթեց 3:0 հաշվով։
Ալաշկերտցիների կազմում գոլերով աչքի ընկան Ալբերտ Մնացականյանը, Դավիթ Խուրցիձեն և Ժոզե Էմբալոն։
Այս տուրից հետո «Ալաշկերտը» 50 միավորով գտնվում է 3-րդ տեղում։
«Նոան» 39 միավորով 5-րդն է, իսկ «Ուրարտուն» 37 միավորով 6-րդը։
ԲԿՄԱ-ն 18 միավորով եզրափակում է մրցաշարային աղյուսակը։
©2022 Armenian Soccer