«Վանն» առաջիկայում կղեկավարի հայ մասնագետը

Չարենցավանի «Վանի» բոլիվիացի գլխավոր մարզիչ Ումբերտո Վիվիանիի մարզչական արտոնագրի հաստատման հետ կապված տեխնիկական խնդիր է առաջացել։

Ակումբի մամուլի ծառայության փոխանցմամբ, գալիք հանդիպումներին թիմը կղեկավարի Մայիս Ազիզյանը:

Հիշեցնենք, որ Fastex Հայաստանի Պրեմիեր լիգայի աշնանային հատվածի 19 խաղերից հետո Չարենցավանի թիմը 27 միավորով 5-րդ տեղում է:

Ումբերտո Վիվիանին «Վանի» գլխավոր մարզիչ է նշանակվել հունվարին։