Տիկնիզյանի թիմը հաղթեց Իվուի «Ռուբինին», Բայրամյանի «Ռոստովը» պարտվեց

Ռուսաստանի գավաթի խաղարկության խմբային փուլի 2-րդ տուրում «Ռոստովն» արտագնա խաղում նվազագույն հաշվով պարտվել է «Ուրալին»:
Հայաստանի հավաքականի կիսապաշտպան Խորեն Բայրամյանը հյուրերի կազմում ամբողջական հանդիպում է անցկացրել։

«Լոկոմոտիվը» միևնույն հաշվով առավելության է հասել «Ռուբինի» նկատմամբ։
Մեր ազգային թիմի պաշտպանը «Երկաթուղայինների» կազմում խաղադաշտ դուրս եկավ 46-րդ րոպեին, իսկ Ուգոչուկվու Իվուն «Ռուբինի» կազմում խաղին մասնակցեց 65-րդ րոպեից։

Նշենք, որ մեր հավաքականի երեք ներկայացուցիչների թիմերն էլ ընդգրկված են նույն խմբում։