Մխիթարյանի գալա-երեկոն. Ինչպես են իտալական ԶԼՄ-ները գնահատել Հենրիխին «Մոնցայի» հետ խաղում

Հունվարի 13-ին «Ինտերը» հյուրընկալվելիս 5:1 հաշվով հաղթել է «Մոնցային», իսկ Հենրիխ Մխիթարյանը կատարել է գոլային իր 7-րդ փոխանցումն այս մրցաշրջանում: Բացի այդ, հայ ֆուտբոլիստը երկու նախագոլային փոխանցում է կատարել։

Փաստորեն, Հենրիխը մասնակցել է իր թիմի բոլոր գոլերին, միլանցիները ևս երկու գոլ խփել են 11-մետրանոցից:

Տեսնենք, թե ինչպես են իտալական լրատվամիջոցներն ու թերթերը գնահատում Մխիթարյանի խաղը «Մոնցայի» դեմ խաղում.

Fcinternews (6.5). Ունի իրեն կլոնավորելու կարողություն և կարողանում է լինել ամենուր, երբ նրա միջամտությունն ամենաշատն է անհրաժեշտ՝ հայտնվելով ոչ մի տեղից և անելով ճիշտ գործողություն: Նա ցուցադրում է իր որակները խաղադաշտում և ճիշտ պահին մասնակցում է մի գեղեցիկ քայլի, որի արդյունքում «ներաձուրիները» խփում են իրենց երկրորդ գոլը: Ժամանակ առ ժամանակ Մայր Բնությունը ստիպում է նրան շունչ քաշել (նրա առաջին փոխանցման սխալը տեղի է ունեցել միայն 80-րդ րոպեին), բայց գնդակը նրա ոտքերի մոտ պահելը նույնքան անվտանգ է, որքան հաշիվը շվեյցարական բանկում։

Sport.virgilio (6.5). Արժեքավոր ներդրում թիմի շարժումներում: Օգնում է Թյուրամին գոլ խփել կատարյալ փոխանցումով:

Passioneinter (7,5). Նա բաց թողեց լավ հնարավորությունը՝ հաշիվը դարձնելու 3-0, բայց նրա շարունակական շարժումները միշտ լուծում էին տալիս թիմակիցներին: Թիմի երրորդ գոլը սկսվեց նրա` գնդակի ուշագրավ վերահսկմամբ և դրիբլինգով: Դե իսկ փոխանցումը Թյուրամին, հրաշալի էր:

Tuttomercatoweb (7.5). Հայի գալա երեկոն. Նա ներկա է «Ինտերի» գրեթե յուրաքանչյուր գրոհի, աջ ու ձախ «շոկոլադե կոնֆետներ» է առաջարկում: Պատահական չէ, որ նա շարունակում է իսկական անփոխարինելի մարդ մնալ թիմում։

Oasport (6.5). Նա չի կարողանում խփել «Ինտերի» երրորդ գոլը: Բայց «Ներաձուրիները» նրա հետ խաղի այլ ռիթմ ունեն: Նա ապահովում է արագություն և երկրաչափություն։ Երրորդ գոլի դեպքում Մխիթարյանը սկսում է հարվածել և կտրել ամբողջ դաշտը։

Լեգգո (6,5). Վրացին նրանցից է, ով գտնվում է թիմի հարձակողական բոլոր ջանքերի կենտրոնում, նույնիսկ եթե ժամանակ առ ժամանակ բաց է թողնում գոլ խփելու հնարավորությունը: (Leggo.it կայքի խմբագիրները Մխիթարյանի մասին գրում են արդեն հարյուրերորդ անգամ, բայց չգիտես ինչու այս անգամ նրանց համար վրացի է դարձել, ավելի ճիշտ՝ «Il Georgiano»)։

fcinter1908 (8). Մխիթարյանից 90 րոպե պահանջվեց բոլորին ֆուտբոլ սովորեցնելու համար: Թիմակիցները, մրցակիցները, հանդիսականները, բոլորն այսօր ականատես եղան կիսապաշտպանի կատարյալ հանդիպմանը: Գոլը, ցավոք, չգրանցվեց՝ միակ բացասականը կատարյալ հանդիպման համար։