Մխիթարյան. «Վիճակագրությանը նայում էի, երբ այլ դերում էի խաղում»

«Ինտերի» կիսապաշտպան Հենրիխ Մխիթարյանը Ա Սերիայի 15-րդ տուրում երկու գոլային փոխանցման հեղինակ դարձավ՝ նպաստելով «Պարմայի» նկատմամբ 3:1 հաշվով հաղթանակին: Խաղից հետո հայ կիսապաշտպանը մեկնաբանել է հանդիպումը, խոսել իր և թիմի նպատակների մասին:

«Կարևոր հաղթանակ էր։ Ես վիճակագրությանը չեմ նայում, դա անում էի այն ժամանակ, երբ ուրիշ դերում էի խաղում։ Հիմա խաղադաշտում այլ դեր ունեմ, և կարևորն այն է, որ շարունակենք մեր ճանապարհը։

Այսօր ցույց տվեցինք մեր բոլոր որակները։ Մեզ դուր է գալիս 3-4 օրը մեկ խաղալը։ Մենք ունենք կազմի խորություն, ինչը մեզ օգնում է, և դա մեզ դուր է գալիս»,- ասել է Մխիթարյանը ակումբի մամուլի ծառայության հետ զրույցում։

Հիշեցնենք՝ ցուցադրած խաղի համար Մխիթարյանը ստացել էր MVP մրցանակը: