Լևոն Ղասաբօղլյանին նվիրված խաղում ռուս վետերանների թիմը հաղթել է հայերին

Դեկտեմբերի 9-ին Երևանի «Ջունիոր Սպորտ» մարզադաշտում տեղի է ունեցել Հայաստանի և Ռուսաստանի ֆուտբոլային վետերանների խաղ, որը նվիրված էր նախկին ֆուտբոլիստ և մարզիչ Լևոն Ղասաբօղլյանի հիշատակին:

Ռուսաստանի հավաքականը հաղթել է 4:2 հաշվով: Հայաստանի վետերանների թիմի կազմում դուբլի հեղինակ է դարձել Արթուր Քոչարյանը:

Նշենք, որ Հայաստանի վետերանների թիմում խաղացել են նախկին ֆուտբոլիստներ Գուրգեն Ենգիբարյանը, Ալեքսանդր Թադևոսյանը, Վալերի Ալեքսանյանը, Գևորգ Կասպարովը, Հակոբ Տեր-Պետրոսյանը, Արթուր Ոսկանյանը, Լևոն Ստեփանյանը, Արթուր Քոչարյանը և Համլետ Մխիթարյանը:

Լուսանկարը՝ Սպուտնիկ Արմենիայի