ԿԼ. «Նոան» Լոնդոնում ցավալի պարտություն է կրել «Չելսիից»

Կոնֆերենցիաների լիգայի Լիգայի փուլի 3-րդ տուրում «Նոան» արտագնա խաղում մրցել է Լոնդոնի «Չելսիի» հետ։ «Սթեմֆորդ Բրիջում» գրանցվել է 8:0 հաշիվ՝ հօգուտ տանտերերի:

Էնցո Մարեսկայի թիմի կազմում դուբլ են ձևակերպել Ժոաու Ֆելիշն ու Կրիստոֆեր Նկունկուն։ Մեկական գոլով աչքի են ընկել Թոսին Ադարաբիոյոն, Մարկ Գիուն, Աքսել Դիսասին և Միխայիլ Մուդրիկը։

Լիգայի փուլում հաղթական մեկնարկից հետո «Նոան» 2-րդ անընդմեջ պարտությունը կրեց և 3 միավորով 28-րդ տեղում է: «Չելսին» 9 միավորով առաջին տեղում է:

4-րդ տուրում «Նոան» նոյեմբերի 28-ին Երևանում կհյուրընկալի իսլանդական «Վիկինգուրին»։