Armenian Soccer
Armenian Soccer

«Ինտերը» վերջ դրեց անհաջողություններին. Մխիթարյանը բացակայում էր

Իտալիայի Ա սերիայի 31-րդ տուրում «Ինտերը» մրցակցի հարկի տակ ուժերը չափեց «Էմպոլիի» հետ ու հաղթեց 3:0 հաշվով։

Ներաձուրիներ կազմում դուբլի հեղինակ դարձավ Ռոմելու Լուկակուն, մեկ գոլով էլ աչքի ընկավ Լաուտարո Մարտինեսը։

Առաջնությունում այս հաղթանակը շատ սպասված էր «Ինտերի» համար, քանի որ վերջին անգամ թիմը հաղթել էր մարտի 5-ին, երբ 2:0 հաշվով առավելության էր հասել «Լեչեի» նկատմամբ։

Այժմ «Ինտերը» 54 միավորով 5-րդ տեղում է։

Նշենք, որ Հենրիխ Մխիթարյանն անձնական պատճառներով բացակայում էր այս խաղի հայտացուցակից։Նա հավանաբար կվերադառնա հաջորդ շաբաթ կայանալիք գավաթային հանդիպմանը։

© Armenian Soccer 2023